- 620 -

1433. Nov. 7. Liegnitz.

Conrad Bischof zu Breslau bestätigt die Vermächtnisse des liegnitzer Bürgers Mathias Tynczmann von 20 Mark zur Errichtung eines Altars in dem liegnitzer Rathhause.

In nomine domini amen. Ex pastoralis officii debito obligamur, pias decedencium vitimas voluntates, ne prophanis applicentur usibus, nostris litteris pro diuini cultus augmento confirmare. Eapropter nos Conradus dei gracia episcopus Wratislauiensis ad perpetuam rei memoriam tenore presencium presentibus et posteris cupimus innotesci, quod prouidus et circumspectus vir Andreas Geytan ciuis Legnicensis, executor verus et legitimus Mathie Tynczman olim opidani Legnicensis, volens piam voluntatem et vltimam disposicionem ipsius. Mathie debite in effectum deducere atque adimplere, censum annuum viginti marcarum, consensu illustris principis domini ducis Ludwici domini Bregensis et Lignicensis accedente, in locis et bonis infrascriptis sub reempcionis titulo comparatum videlicet decem marcarum grossorum in bonis Fredrici Pechwinkel in Probischan, item tres marcarum grossorum in villa Grossenik, item duas marcas in villa Kwnicz, item alteram demidiam marcam in paruo Beckern, item alteram demediam marcam in villis Schyrosky et Schorneke, item alteram demediam marcam in villa Tenczil, item mediam marcam in et super judicio in Windischin Budissaw Legnicensis et Goltbergensis districtuum constitutum, prout sunt litere contractuum desuper confecte continencie plenioris, pro dote siue dotacione altaris de nouo edificandi fundandi exigendi et creandi in pretorio Legnicensi in et sub honore sancte et individue trinitatis, beate et gloriose Marie virginis, sanctorum Petri et Pauli, Andree et Johannis Apostolorum, Laurencii et Georgii martyrum, Gregorii, Jeronimi, Augustini et Ambrosii confessorum et sanctarum Marie Magdalena, Katherine, Barbare, Dorothee, Hedwigis et omnium sanctorum in dicti Mathie Tynczman et Barbare ipsius conthoralis et in ipsorum et progenitorum suorum aliorumque fidelium animarum remedium salutare, nomine veri et legitimi testamenti ex donacione et disposicione dicti Mathie Tynczman dedit, donauit et donacione perfecta perpetuo valitura pie assignauit. Nobis quoque pro parte dicti Andree Geytan executoris humiliter exstitit suplicatum, quatenus in huiusmodi altaris edificacionem consentire, ipsum de nouo erigere, creare ac in beneficium ecclesiasticum ordinare sibique et ejus ministro pro tempore dictum viginti marcarum censum incorporare, inuiscerare, vnire ac ascribere graciosius dignaremur. Nos igitur Conradus episcopus prefatus, qui cultum diuinum nostris temporibus summopere diligimus adaugeri, hujusmodi supplicacionibus justis et racionabilibus fauorabiliter inclinati, ad laudem et gloriam omnipotentis dei ejusque intacte genetricis virginis Marie in dicti Altaris edificacionem in dei nomine consentimus, ipsumque de consensu honorabilis viri domini Johannis Bawde prepositi collegiate et rectoris parrochialis sancti Petri ecclesiarum Legniczensium nobis viua voce facto, erigimus et creamus ac in beneficium ecclesiasticum perpetue permansurum ordinamus sibique et ejus pro tempore ministro dictum viginti marcarum censum incorporamus, inuisceramus et ascribimus perpetue per presentes; decernentes in antea eundem viginti marcarum censum ecclesiasticum fore omnique gaudere debere ecclesiastica libertate. Et quia hujusmodi viginti marcarum census sub reempcionis titulo noscitur comparatus, volumus et auctoritate nostra decernimus, quod quando ipse in toto vel in parte reemptus fuerit, pecunia pro eo soluta ad sacras edes ecclesie parochialis sancti Petri in Legnicz predicte deponatur, depositaque fideliter custodiatur donec alter census equecertus de scitu ministri et patronorum pro tempore reematur, quem in locum census reempti succedere volumas ac simili debere gaudere ecclesiastica libertate. Ex disposicione namque prefati executoris honorabilem virum, dominum Georgium Geitan canonicum Legnicensem, filium dicti executoris primum nobis pertacti altaris ministrum nominatum et manualiter presentatum inuestivimus et presentibus inuestimus regimine et administracione spiritualium et temporalium ipsius altaris sibi commissi. Quocirca vobis, domino ebdomadario ecclesie sancti Petri predicte committimus et presentibus mandamus, quatenus eundem dominum Georgium Geytan in possessionem prefati altaris, cum edificatum fuerit, juriumque et pertinenciarum ipsius nostra ducatus auctoritate legitime corporalem facientes sibi de vniuersis et singulis ipsius altaris censibus, fructibus, redditibus et prouentibus integre tradere (?); juspatronatus vero antedicti altaris, quociens ipsum percessum uel decessum vacare contigerit, ad ipsum Andream Geytan executorem et post ipsius obitum ad suos legitimos heredes ac deinde post ipsorum decessum ad proximiores consangwineos, quibüs omnibus de hac luce migratis ad prouidos viros preconsulum et consules dicti opidi Legnicensis perpetuo permanebit, qui vacacionis tempore ydoneum ad dictum altare inuestiendum nobis et successoribus nostris Wratislauiensibus episcopis presentabunt. Minister autem ejusdem altaris ad tres missas in dicto altari singulis ebdomadis legendas sit astrictus hiis diebus et horis exceptis, quibus populus ad ecclesiam parrochialem de jure ad audiendum diuina conuenire teneatur. Volumus eciam, quod per hujusmodi erectionem et ministerii fundacionem nullum prejudicium parrochiali ecclesie sub cuius limitibus deger genaretur (!), nec eius honori in aliquo detrahetur, nec quod ipsa in oblacionibus ac aliis juribus parrochialibus et obsequiis debitis defraudetur, proviso tamen, quod altarista siue minister antedicti altaris interim, quod ipsum altare non edificatum et constructum dinoscitur in viatico siue altari portatuli dictas missas ne in diuinis defraudetur obsequiis legere debet et teneatur tam diu. donec edificatum constructum fuerit et consecratum. Et si ipsum pretorium ad alium locum transferri contingat, quod ipsum altare eciam ad illud pretorium nouum transferatur et ibidem edificetur et consecretur presentibus concedimus et indulgemus. Premissa quoque omnia et singula rata habentes et grata eaque presentis scripti patrocinio in omnibus et singulis suis clausulis et punctis ex certa sciencia confirmamus, interponentes eis nichilominus auctoritatem nostram ordinariam et decretum presentes exinde fieri mandauimus nostri maioris sigilli munimine roboratas. Actum et datum, Legnicz septima die mensis Novembris anno domini millesimo quadringentesimo trecesimo tercio. Presentibus venerabilibus et honorabilibus viris dominis Nicolao Goltberg, canonico Wratislauiensi, vicario in spiritualibus, Johanne Bawde, preposito Legnicensi, Johanne Kirsberg, canonico Glogouiensi, Vincencio Blumenaw, notario nostris fidelibus testibus ad premissa.

O. d. St. L. No. 342. Mit anhangendem Siegel an Schnüren von rother und grüner Seide.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866